Groep Kuda Groep Cangguek,
Oh meusireuk meu patah teuk pha
Surak beumeupue surak
Igop I surak na I pasoe pulsa..
Cabeueung mulu hai nyak ji sawak birah
Cabeueng lawah hai nyak ji sinteu panyot
Ta kampanye hai nyak bek tapeugadoeh marwah
Bek kutoe abah narit meuleuhop..
Beuna etika oh tapeuteubiet su
Beuna meuguru oh neuk peugah haba
Bak poh cakra peukara peumilu
Sang sang di tungku kalheueh S-2..
Siboek peusalah si A ngon si B
Peugah paket C ijak sikula
Siboek ta uroeh ata han troeh coet
Gadoeh ceumaroet tiep tapeugah haba..
Peumilu pilpres karab mulai
Galom got basi pileg baroesa
Cara kampanye mantong meuyahudi
Mantong peuleumah ri fiteunah neuteuba..
Barangkasoe na hak demokrasi
Suara ji neuk bi keu toh yang di suka
Gata tan hak neujak intervensi
Bek neukeulabui darah si bangsa..
Peukara droeneuh neuseumikee beupah
Asai ka glah kupi ngon saka
Kamoe rakyat bek neujak sudi
Ata keu dali chit et no kada..
Bek neujak surak bangsa demokrasi
Bek neujak bi angen syuruga
Bek neujak joek bulukat basi
Bek neujak li darah syuhada..
Kamoe rakyat bek neutamoen beunci
Ata ka neubi bek neujak buka
Neu kampanye sesuai nurani
Neu peuleumah ri aceh wibawa..
Bersambung..
Karya : Hery Tanjong
Direktur Eksekutif LABANG BANGSA
